«Մեր ներկայացրած ծրագրով հանրային տրասպորտի ոլորտն ամբողջապես փոփոխություն կենթարկվի». Տարոն Մարգարյանը՝ Նոր Նորքի բնակիչներին

«Մեր ներկայացրած ծրագրով հանրային տրասպորտի ոլորտն ամբողջապես փոփոխություն կենթարկվի». Տարոն Մարգարյանը՝ Նոր Նորքի բնակիչներին

27/04/2017

Երևանի գործող քաղաքապետ, ՀՀԿ նախընտրական ցուցակը գլխավորող Տարոն  Մարգարյանը Երևանի ավագանու ընտրությունների քարոզարշավի շրջանակում ՀՀԿ ավագանու թեկնածուների հետ միասին նախընտրական հանդիպումներ է ունեցել  Նոր Նորք  վարչական շրջանի բնակիչների հետ:

Ներկայացնելով ՀՀԿ նախընտրական ծրագրի դրույթները, քաղաքային տնտեսության տարբեր ուղղություններով սկսված բարեփոխումներն ու նախանշված ծրագրերը, Տարոն Մարգարյանն առանձնակի կարևորել է մայրաքաղաքի թերևս ամենամեծ խնդրի՝ հանրային տրանսպորտի անբավարար վիճակը օր առաջ կարգավորելու և ոլորտում համակարգային փոփոխություններ իրականացնելու անհրաժեշտությունը:

«Մի քանի տարի առաջ հասարակական տրանսպորտի ոլորտում մատուցվող ծառայությունների որակը գոնե որոշակիորեն բարելավելու նպատակով, մենք հանդես եկանք մասնակի լուծման առաջարկով, ինչը հաջողություն չունեցավ: Դրանից հետո անցած տարիներին, ցավոք, իրականացան նաև մեր այն կանխատեսումները, որ ոլորտն օրեցօր ավելի խորը ճգնաժամի մեջ կհայտնվի, ինչը մեր ընդիմախոսներն այն ժամանակ ներկայացնում էին որպես հանրությանը ուղղակի վախեցնելու փորձ:

Մինչդեռ մենք այն ժամանակ էլ էինք նշում, որ մասնակի այդ լուծումն ընդամենը ժամանակ շահելու նպատակ ուներ, մինչև հասցնեինք մշակել ու կյանքի կոչել ոլորտի համակարգային բարեփոխման ծրագիրը: Ինչևէ, մենք այս տարիներին ձեռքներս ծալած չնստեցինք և ուսումնասիրելով միջազգային փորձն ու բազմաթիվ մասնագիտական քննարկումներ ունենալով, զինվել ենք համապատասխան փորձով ու պատրաստ ենք համակարգային բարեփոխման գործընթացը հաջողությամբ իրականացնել»,- նշել է Տարոն Մարգարյանն ու հավելել, որ առաջիկայում միջազգային խորհրդատու կազմակերպությունը կմշակի և քննարկման կներկայացնի մայրաքաղաքի հասարակական տրանսպորտի ուսումնասիրության արդյունքներն ու երթուղային նոր ցանցի առաջարկը:

 «Դրա հիմքում լինելու է նախընտրական մեր ծրագրով նախատեսված հանրային տրանսպորտի ոլորտի միջազգային չափանիշներին համապատասխան համակարգային փոփոխության իրականացումը։ Դա ենթադրում է և՛ շարժակազմի արդիականացում, և՛ միասնական էլեկտրոնային տոմսային համակարգի ներդրում, և՛ ընդհանուր սպասարկման որակի բարելավում, ինչպես նաև՝ սոցիալական խմբերին արտոնությունների տրամադրում: Եվ համոզվա՛ծ եղեք, որ մեր թիմը կիրականացնի նաև ա՛յս ծրագիրը՝ մեկ անգամ ևս ապացուցելով, որ մեզ համար առաջնահերթը եղել ու շարունակում է մնալ մեր բնակիչների արժանապատիվ կյանքի համար անհրաժեշտ պայմանների ստեղծումն ու ապահովումը»: 

 Բակային հանդիպումների ժամանակ անդրադառնալով նաև արդեն իսկ կյանքի կոչված ծրագրերին, Երևանի գործող քաղաքապետ, ՀՀԿ նախընտրական ցուցակը գլխավորող Տարոն Մարգարյանը համոզմունք է հայտնել, որ բնակիչների անմիջական մասնակցությամբ ու աջակցությամբ «Հանուն Երևանի» հնգամյա ծրագիրը ևս հաջողությամբ կյանքի կկոչվի՝ ապահովելով Երևանի համաչափ ու աստիճանական զարգացումը: 

 «Դուք բազմիցս եք համոզվել, որ ես և իմ թիմի անդամներից յուրաքանչյուրը ձեզանից մեկն ենք ու մի՛շտ ենք ձեր կողքին: Ոչ թե ընտրությունից ընտրություն ենք այցելում ձեզ, որ ծանոթանանք ձեր հոգսերին և հուզող խնդիրներին, այլ մեր ամենօրյա աշխատանքով ու ձե՛զ հետ անմիջական շփվելով ենք վեր հանում առկա խնդիրներն ու փորձում լուծումներ տալ դրանց: Հենց այդ շփումների շնորհիվ է, որ այսօր ձեզ ներկայացվող նախընտրական մեր ծրագրում անցած այդ 4 տարիների ընթացքում վերհանված խնդիրների լուծման եղանակներն են նշված, որոնք իրատեսական են ու իրագործելի»,- նշել է Տարոն Մարգարյանն ու կոչ արել երևանցիներին մայիսի 14-ին վստահել այն ուժին, որը հանդես է գալիս իրատեսական ու հավակնոտ ծրագրերով, այն ուժին, որն ունի փորձառու և բանիմաց թիմ, նրանց, ովքեր լա՛վ գիտեն բնակչին հուզող խնդիրներն ու եղել և շարունակելու են լինել քաղաքացիների կողքին՝ հանուն երևանցու ու Երևանի:

 

Տեսահարթակ

  • Հանուն Երևանի ընտրում եմ N3, Տարոն Մարգարյանին

    Հանուն Երևանի ընտրում եմ N3, Տարոն Մարգարյանին

  • #ՀանունապագայիԵրևանի - #մասնակցայինկառավարում #խելացիքաղաք

    #ՀանունապագայիԵրևանի - #մասնակցայինկառավարում #խելացիքաղաք

  • Տարոն Մարգարյանը՝ երևանցիներին

    Տարոն Մարգարյանը՝ երևանցիներին

  • #ՀանունհյուրընկալԵրևանի - #մշակույթ #զբոսաշրջություն

    #ՀանունհյուրընկալԵրևանի - #մշակույթ #զբոսաշրջություն

  • Հանուն Երևանի երգի տեսահոլովակ

    Հանուն Երևանի երգի տեսահոլովակ

  • #ՀանունմրցունակԵրևանի - #կրթություն #սպորտ

    #ՀանունմրցունակԵրևանի - #կրթություն #սպորտ

  • Բարի գալուստ Երևան

    Բարի գալուստ Երևան

  • #ՀանունհոգատարԵրևանի - #սոցապահովություն #առողջապահություն

    #ՀանունհոգատարԵրևանի - #սոցապահովություն #առողջապահություն

  • #ՀանունէկոԵրևանի - #կանաչապատում #սանիտարականմաքրում

    #ՀանունէկոԵրևանի - #կանաչապատում #սանիտարականմաքրում

  • #ՀանունբարեկարգԵրևանի - #շինարարություն #բարեկարգում

    #ՀանունբարեկարգԵրևանի - #շինարարություն #բարեկարգում

  • Հանուն մատչելի Երևանի - #մատչելիմիջավայր

    Հանուն մատչելի Երևանի - #մատչելիմիջավայր

  • Հանուն բարեփոխվող Երևանի - #տրանսպորտ

    Հանուն բարեփոխվող Երևանի - #տրանսպորտ

  • Հանուն բարեկեցիկ Երևանի - #բնակելիֆոնդ

    Հանուն բարեկեցիկ Երևանի - #բնակելիֆոնդ

  • Հանուն զարգացող Երևանի - #քաղաքաշինություն

    Հանուն զարգացող Երևանի - #քաղաքաշինություն

Ներբեռնել հեռախոսի զանգ

Հանուն Երևանի 1 MP3 Հանուն Երևանի 2 MP3 Հանուն Երևանի /remix-1/ MP3 Հանուն Երևանի /remix-2/ MP3

© 2017, Հեղինակային իրավունքները պաշտպանված են:

Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ:

Հասցե' Հայաստան, 0010, Երևան, Մելիք-Ադամյան փող., 2 շենք